(轉)愛的宣言, 希望能送給大家正能量, 祝福所有香港人！不再做港男港女

以下文章轉自Face Book講男港女論壇中

愛的宣言, 希望能送給大家正能量, 祝福所有香港人！不再做港男港女

http://www.facebook.com/topic.php?topic=6062&post=36055&uid=51824058096#/topic.php?uid=51824058096&topic=7573

大家好！其實拍拖要既係咩？係愛, 係開心！愛一個人, 你唔洗學, 都會識得關心佢, 想佢開心, 會成日掛住佢, 會無時無刻都想佢開心。投訴男友女友不好的人, 有否想過, 甚麼是愛呀？愛一個人你會: 佢要OT陪你唔到, 你唔會介意, 但係, 會好掛住佢, 又心痛佢辛苦, 又怕佢掛住做野唔食野, 又擔心佢工作唔順利. 直到佢收工你知佢攪掂D野, 又有食野, 你先會放心。你買小禮物比佢, 或者煲左湯佢飲, 你唔係諗住佢會送番野比你, 而係, 你最想見到佢開心驚喜既表情, 當佢細細聲在你耳邊說, "我好開心呀"既時候, 你會比佢更加開心, 直頭想錄低佢講呢句野。佢愛你既, 見到你肥左, 佢會開心, 覺得你係同佢一齊幸福, 心廣體胖, 佢愛你既, 送你回家不覺得辛苦, 因為佢好想見多你一陣,佢愛你既, 覺得你化唔化妝都靚, 仲會令你好有自信.佢愛你既, 你肚痛頭痛OT辛苦佢會心痛.佢愛你既, 讚完栢芝靚會話你更靚！(咁比佢發現我有吳彥祖海報收埋左,,我梗係會話佢在我眼中最靚仔啦, 嘻嘻...)佢愛你既, 你開心, 佢更開心！我每次聽佢唱歌, 就算佢唔識咩技巧, 發聲共鳴錯晒, 我都會笑住咁聽, 我都會覺得好好聽, 好聽過古巨基！佢不在我身邊時掛住佢時, 我都會開我之前錄低佢唱既傷追人來聽, 唔好笑我, 我真係一路聽一路暗暗笑。姐妹們, 停止節食, 不要亂做美容機了, 一起運動, 多吃生果！....對自己有信心！兄弟們, 相信真愛, 活得快樂！女人係心靈脆弱既動物, 唔好用我地既外表來講笑！你愛你女友的, 就不應想她瘦, 過瘦只會不停咁病病病......阿豬在此祝福大家！我們都是自己人, 可以停止港男港女之戰嗎？中國人就是這麼不團結嗎？我肯定, 每個港男港女, 遇到真心愛的, 真正的"另一半"時, 一定會改變的, 愛會令人改變。佢令我軟弱既時候會識企番起身, 因為我唔想佢擔心, 佢在我人生低潮時出現, 我知, 我唔可以自卑, 唔可以跌低唔爬番起身, 唔可以成日病, 唔可以成日論論盡盡唔係手腫就腳瘀, 唔可以成日唔訓教......因為會有個人會心痛。(有D想喊添....)就算真是貪錢的港女, 常說大陸女生好的, 挑剔的港男, 我相信你們如果愛上對方, 女的會變成小鳥伊人, 不再計較, 男的會專一愛她, 不會挑剔她, 在你眼中她最美, 她的缺點都變得可愛！